ბოლო 20 წლის განმავლობაში მუსიკალური ინდუსტრია დრამატულად შეიცვალა, ინტერნეტმა გარდაქმნა მელომანთა ქცევა და პროცესი, თუ როგორ უსმენენ და მოიხმარენ ადამიანები მუსიკას. შესაბამისად შეიცვალა ის მედიუმებიც, რის საშუალებითაც მუსიკა მსმენელამდე მიდის. მიუხედავად ბოლო წლებში ფირფიტების მოხმარების ზრდისა, დღეს აქტუალური მაინც მუსიკის ციფრული ფორმატია, რომელიც არა მომხმარებელთა მოწყობილობებში, არამედ ინტერნეტში, საჯაროდ და ლეგალურად არის განთავსებული.

 

უკანასკნელ 10 წელში განვითრებულმა პროცესებმა დაადასტურა, რომ სტრიმინგი მუსიკალური ინდუსტრიის მომავალია. დღეს უკვე წარმოუდგენელია იყო წარმატებული არტისტი და შენი მუსიკა არ იყოს განთავსებული საერთაშორისო პლატფორმებზე, რაც ერთის მხრივ დამატებითი შემოსავლის წყაროა, მეორეს მხრივ კი მსმენელთა გაზრდის და საერთაშორისო ბაზარზე გასვლის შესაძლებლობა.

​

Bloom Music პარტნიორობს  მოწინავე ამერიკულ მუსიკის ციფრული დისტრიბუციის კომპანიასთან „Symphonic Distribution”, რომელიც თავის მხრივ თანამშრომლობს ისეთ არტისტებთან როგორიცაა Ryuichi Sakamoto, Chet Faker, Onyx და სხვა. Symphonic-თან პირდაპირი პარტნიორობის ფარგლებში, Bloom Music ქართველ არტისტებს მათზე მორგებულ და ხელსაყრელ პირობებს სთავაზობს  მუსიკის საერთაშორისო პლატფორმებზე მოსახვედრად.